BOLT AWATAKA MASHABIKI WA MAN UNITED KUMUUNGA MKONO FELLAINI.

 

  MWANARIADHA nyota wa mbio fupi Usain Bolt wa Jamaica ambaye ni shabiki wa kutupwa wa klabu ya Manchester United amewataka mashabiki kumuunga mkono kiungo mpya aliyesajiliwa 

  Marouane Fellaini wakati atakapoanza kuitumikia timu hiyo. Bolt anayeshikiliwa rekodi ya dunia katika mbio za mita 100 na 200 alipiga picha akiwa ameshikilia jezi ya timu ya taifa ya Ubelgiji iliyokuwa na jina la Fellaini mgongoni ikiwa ni siku tatu toka David Moyes amsajili nyota huyo kutoka Everton.

   Mapema Bolt alidai kuwa United ilikuwa ikihitaji kiungo mbunifu ambaye anaweza kutengeneza nafasi na kumiliki mpira vyema akiwa eneo la katikati na sasa kwa ujio wa Fellaini unaonyesha kumfurahisha mwanariadha huyo. 

  Jumatano iliyopita Bolt alitoa kauli ambayo haikutegemewa na wengi akidai kuwa anatarajia kustaafu riadha baada ya michuano ya olimpiki itakayofanyika jijini Rio de Janeiro mwaka 2016. 

  Bolt alidai kuwa kama anataka kuwa mojawapo ya wanamichezo bora kabisa waliowahi kutokea kama Mohamed Ali na Pele na wengineo hana budi kuendelea kushinda medali mpaka hapo atapoamua kustaafu