MWANAMKE AHUKUMIWA KIFUNGO CHA MIAKA MITANO JELA BAADA YA KUMTUPA MTOTO WAKE CHOONI....

 Mwanamke mmoja mkazi wa Manga A Jijini Mbeya amehukumiwa kifungo cha miaka 5 jela kwa kosa la kutupa mtoto wake chooni. Mwaka huu katika eneo hilo baada ya watoto waliokuwa wakicheza kugundua kuwepo kwa Mtoto katika choo cha shimo. 

 

Mtuhumiwa baada ya kukamatwa amekiri kutenda kosa hilo na kwamba alifanya hivyo baada ya mzazi mwenzie kumkataa.

Ameongeza kuwa amelazimika kutupa katika choo cha jirani kwa sababu ni cha shimo tofauti na chao ambacho asingeweza kutupa mtoto huyo.

  

Rukia Haruna (31)  akitolewa nje  na Askari wa Jeshi la Polisi akitolewa nje ya  Mahakama kwenda Gerezani kutumikia kifungo cha miaka 5 Jela  

Mwendesha Mashtaka wa Serikali, Archiles Mulisa mbele ya Hakimu wa Mahakama ya Wilaya ya Mbeya, Zabibu Mpangula, amemtaja Mtuhumiwa kuwa ni Rukia Haruna (31) mkazi wa Manga A Jijini Mbeya na kwamba kosa lake ni kinyume cha kifungu  218 kifungu kidogo cha 35 sura ya 16 ya mwaka 2002.

CHANZO CHA AJALI ILIYOKATISHA UHAI WA DADA WA MBOWE CHATAJWA.....

Majeruhi wa ajali hiyo, Zedii Mzuke  na mtoto wake wakiwa wamelazwa katika hospitali ya Magunga wilayani Korogwe kwa matibabu.

Familia ya Mwenyekiti Chadema Taifa, Freeman Mbowe, imepata pigo baada ya dada wa mwenyekiti huyo, Grace Mbowe, kufariki katika ajali ya gari.

Ajali hiyo ilitokea jana   katika eneo la Changa Kabuku, barabara ya Segera-Chalinze, ambapo gari lenye namba za usajili T 277 CAT aina ya Toyota Crester Saloon Gx 100, likitokea Tanga kwenda Dar es Salaam, liliacha njia na kupinduka.
Kwa mujibu wa mashuhuda wa ajali hiyo, gari hilo lilikuwa limebeba watu watano, akiwemo Grace Mbowe na dereva aliyetambulika kwa jina la Ibrahim Mkindwa. 
Mashuhuda hao walidai chanzo cha ajali hiyo ni mwendokasi wa gari, uliosababisha tairi la nyuma upande wa kulia kupasuka. Hali  hiyo ilisababisha dereva kushindwa kumudu kona, hivyo kusababisha kupinduka na kuingia chini ya daraja.
Katibu wa Mbunge Mbowe, Richard Mtui, alithibitisha kutokea kwa msiba huo na kuongeza kuwa Chadema Hai imesitisha mikutano ya hadhara, kusubiri taratibu zingine.
Akizungumza kwa njia ya simu na mwandishi, Kamanda wa Polisi Mkoa wa Tanga, Costantine Massawe alithibitisha kutokea kwa ajali hiyo na kueleza kuwa bado Polisi inaendelea na uchunguzi zaidi.
Massawe alitaja majeruhi watatu waliokuwa abiria katika gari hilo kuwa ni Ridhiwani Bakari (29), Zedii Mzuke (28) na mtoto  Mariam Ridhiwani (3), wote wafanyabiashara wa Msambweni mkoani Tanga.
Alisema miili ya marehemu na majeruhi, walipelekwa katika Hospitali ya Magunga Korogwe mkoani Tanga.
Kifo cha dada yake na Mbowe, kimetokea ikiwa ni siku chache  baada ya kuhama Chadema na kujiunga na  CCM.

SERIKALI YA KENYA WAILALAMIKIA MAREKANI KWA KUWAKATAZA RAIA WAKE WASITEMBELEE KENYA..!!

Baada ya magaidi kuvamia kituo cha biashara cha Westgate nchini Kenya wiki iliyopita  ,Marekani imetoa onyo kwa raia wake kuacha kusafiri kuelekea nchini humo.

Kitendo hicho kilipokelewa kwa hisia tofauti na Serikali ya Kenya kwa kudai kwamba hatua hiyo iliyochukuliwa na Marekani  sio sahihi.

Kwa mujibu wa ripoti iliyotolewa na Wizara ya Mambo ya Nje ya Kenya ililaani vikali hatua ya Marekani ya kuwaonya raia wake kufanya safari nchini Kenya.

Taarifa hiyo iliitaja hatua hiyo kuwa, haina umuhimu na pia ilitolewa katika wakati ambao sio mwafaka.

Ripoti hiyo iliongeza kuwa, shambulizi la Westgate jijini Nairobi, ni tatizo la ulimwengu mzima hasa kwa kuzingatia kuwa, hata Marekani yenyewe imekwishaathiriwa na vitendo kama hivyo vya kigaidi.

ZITTO ALAANI HATUA SERIKALI YA KUYAFUNGIA MAGAZETI YA MWANANCHI NA MTANZANIA...!!

 

Imeandikwa na Zitto Kabwe, Mb — Kwa mshtuko na masikitiko makubwa kuanzia jana jioni tumepokea taarifa za kufungiwa kwa magazeti mawili ya kila siku hapa nchini ya Mwananchi na Mtanzania. Serikali imechukua uamuzi huo kwa kutumia sheria ya kidikteta ya magazeti ya mwaka 1976 ambayo Tume ya Jaji Francis Nyalali iliiorodhesha kama sheria kandamizi. Sababu zilizotolewa kuhalalisha uamuzi huu ni sababu zisizo na maana na ambazo Serikali ingeweza kufungua mashtaka ya kawaida kabisa mahakamani kushtaki magazeti hayo iwapo haikupendezwa na habari walizochapisha.

Moja ya sababu ya kufungiwa kwa gazeti la Mwananchi ni kuchapisha taarifa kuhusu mishahara ya Serikali. Serikali inasema habari hii ni siri. Serikali hii hii ambayo imesaini makubaliano ya kuendesha serikali kwa uwazi (Open Government Initiative) na kumwagiwa sifa na Rais Barack Obama wa Marekani inalifungia gazeti kwa kuandika habari za mishahara ya watumishi wa Serikali. Mishahara kuanzia mshahara wa Rais mpaka wa mtendaji wa Kijiji haipaswi kuwa jambo la siri. Kuonyesha kuwa

jambo hili linapaswa kuwa wazi mkutano ujao wa Bunge tutatafuta kila namna kutaja mshahara wa Rais, Makamu wa Rais, Waziri Mkuu na baadhi ya Watendaji wa Mashirika makubwa ya Umma kama njia ya kuwaunga mkono gazeti la Mwananchi kwa habari yao hiyo. Mapato ya Mbunge yanajulikana sasa kuwa ni shilingi milioni 11.2 kwa mwezi kabla ya kuongeza posho za vikao za shilingi laki 200,000 kwa siku na posho ya kujikimu ya shilingi 130,000 kwa siku. Watanzania wana haki ya kujua wanawalipa kiasi gani watumishi wao. Tutaanza na mshahara wa Rais!

Gazeti la Mtanzania limefungiwa pamoja na mambo mengine kwa kuandika 'mapinduzi ni lazima'. Inashangaza Serikali ya Chama cha Mapinduzi inaogopa neno mapinduzi. Marehemu Mzee Steven Salum Nandonde, aliyekuwa mbunge wa Jimbo la Tandahimba alipata kusema bungeni kuwa 'lazima nchi ipinduliwe'. Ni matumizi ya lugha tu. Mzee Nandonde yeye alikuwa analalamikia maendeleo duni ya mikoa ya kusini na kutaka Kaskazini iwe Kusini na Kusini iwe Kaskazini. Serikali inafungia gazeti kwa sababu ya kuandika Mapinduzi ni lazima ilhali kila siku Zanzibar wanasema Mapinduzi daima!

Gazeti la Mtanzania linahaririwa na Absalom Kibanda, mwandishi wa habari ambaye bado anaponya majeraha ya mwili na kisaikolojia ya kuteswa na watu ambao mpaka leo hawajakamatwa. Badala ya Serikali kuwakamata watesaji wa Kibanda, inamnyima kazi Kibanda ili ateseke kwa njaa kwa kukaa miezi mitatu bila kazi. Pia wanatutesa Watanzania kwa njaa ya kupata habari ambayo ni haki ya msingi ya kikatiba. Hii ndio zawadi Serikali inampa Kibanda baada ya kung'olewa kucha, kunyofolewa jicho, kukatwa vidole na kuteswa kwa namna isiyoelezeka.

Matukio ya hivi karibuni na namna Serikali inavyoyachukulia yanaonyesha dhahiri kwamba Rais Kikwete kazidiwa nguvu na kundi la wahafidhina ndani ya chama na Serikali yake. Rais ambaye alianza kwa kuhubiri uvumilivu wa hali ya juu na hata yeye mwenyewe kupata kusema uvumilivu huu wengine wanauona kama udhaifu lakini ameamua kujenga Taifa la kuvumiliana. Rais alipata kulalamika hadharani kwamba kuna wenzake wanataka aongeze ukali. Ni dhahiri kundi hili la wahafidhina sasa ndio linalomwongoza Rais Jakaya Kikwete. Kitu kimoja tu Rais azingatie, kundi hili linaongozwa na maslahi binafsi ya kubakia kwenye utawala wakati yeye anapaswa kuacha 'legacy'. Rais Kikwete asipokuwa makini atakuwa Rais karatasi (lame duck) tu tunapoelekea mwisho wa utawala wake. Maamuzi ya hovyo na ya kidikteta ya kufungia magazeti yanamchora vibaya mbele ya wananchi na jamii ya kimataifa. Wahafidhina kuwa nguvu zaidi ya kiutawala ni makosa ambayo watanzania hawapaswi kuyakubali kamwe.

Wananchi sasa waifanye Serikali kujutia uamuzi wake wa kufungia magazeti. Nimeamua mimi binafsi kama mbunge kesho Jumatatu tarehe 30 Septemba, 2013 kupeleka taarifa rasmi kwa Katibu wa Bunge ya kupeleka muswada Bungeni wa kuifuta kabisa Sheria kandamizi ya magazeti ya mwaka 1976. Sasa tupambane na kundi dogo la wahafidhina ndani ya Serikali na CCM wasiopenda mabadiliko na iwe fundisho kwa wahafidhina wengine wowote waliopo ndani ya Serikali au nje ya Serikali kwamba Uhuru wa habari sio jambo la kuchezea kama gololi.

HUU NDIO MWONEKANO MPYA WA MWANADADA NISHA WA BONGO MUVI...NI MOTO WA KUOTEA MBALI....!!

Huu ndio muonekano mpya wa C.E.O wa Nisha's Film Salma Jabu (NISHA) me selfie nimependa ehehehehehh sijui weapo.. 
Kip it up gurlie... 

SINA TATIZO NA MTU!!! BHAAAAAASS!!

MAAJABU!! MTOTO WA MIAKA MIWILI ABEBA MIMBA....!!

Mtoto wa miaka miwili wa Huaxi nchini China, amefanyiwa upasuaji wa kujifungua baada ya madaktari kugundua kuwa alikuwa na mimba.Xiao Feng, alipelekwa hospitali baada ya tumbo lake kuwa kubwa kiasi ambacho alijikuta akishindwa kupumua.
Alipolazwa, madaktari walichukua picha za x-rays na MRI ba kugundua kuwa Feng alikuwa amebaba mimba isiyokua na hivyo kuamua kumfanyia upasuaji.

Waliiondoa mimba hiyo changa iliyokuwa na upana wa cm 20 na tayari ilikuwa imeanza kuwa vidole. Mimba hiyo ilitakuwa kuwa pacha wa mtoto huyo. Pacha huyo wa sponji angekua na kuwa mtoto wa kiume.

Feng akiwa amebebwa na mama yake baada ya upasuaji
Mapacha wanaofanana hutokea pale yai linapojigawa wakati wa urutubishaji na mapacha walioungana hutokea pale yai linaposhindwa kujigawa. 

SOURCE:BONGO 5

HUYU NDIYE KIJANA ALIYEPEWA ADHABU YA KUOSHA GARI LA ZIMA MOTO MARA BAADA YA KUWADANGANYA KWA KUWAPIGIA SIMU..!!

Mmoja wa wakazi wa Rugelele kata Rujewa wilaya ya Mbarali mkoani Mbeya  DUKA MKWILA[20]ni miongoni mwa wananchi waliopiga simu za uongo katika kikosi cha zimamoto mkoa wa mbeya akiwa amepewa adahabu ya kuosha gari la zimomoto

Hata hivyo DUKA alikiri kutenda kosa na kuomba msamaha kwa jeshi hilo ambapo aliachiwa huru na kisha kurejea kwao huku akijutia kosa alilolifanya na kuahidi kutorudia tena.

JESHI la zimamoto na uokoaji limewataka wananchi kuacha matumizi mabaya ya miito ya simu ya dharula kwa Jeshi hilo ili kuepusha usumbufu kwa Jeshi pindi wanapopigiwa simu za dharula. Wito huo umetolewa na Jeshi hilo baada ya kupata kero za mara kwa mara kutoka kwa wananchi wanaopiga simu kwenye Jeshi hilo wakihitaji huduma za gari hilo lakini wanapofika eneo waliloelekezwa wanakuta hakuna tukio lolote. Wamekuwa wakipokea simu nyingi za uongo hivyo serikali kuingia gharama kubwa za mafuta ambayo yangetumika kwenye maafa pindi yanapotokea. Mmoja wa wakazi wa Rugelele kata Rujewa wilaya ya MBARALI DUKA MKWILA[20]ni miongoni mwa wananchi waliopiga simu za uongo katika Jeshi hilo mara kadhaa na kuomba huduma nyingine badala ya ajali ya moto hali iliyofanya Jeshi hilo kumkamata na kumhoji. DUKA amesema yeye namba hiyo alipewa na mtu mwigine aliyedai kuwa mwenye namba hiyo huwa anatoa pesa za FREE MASON pia dawa za kienyeji kwa matatizo mbalimbali. Hata hivyo DUKA alikiri kutenda kosa na kuomba msamaha kwa jeshi hilo ambapo aliachiwa huru na kisha kurejea kwao huku akijutia kosa alilolifanya na kuahidi kutorudia tena

Joshua Mulundi (21) raia wa Kenya aliyekuwa anatuhumiwa kumteka na kumtesa Dk Ulimboka na kisha kuachiwa huru na mahakama na baadaye kufunguliwa kesi ya kulidanganya Jeshi la Polisi, amehukumiwa kifungo cha mwezi mmoja Jela au kulipa faini ya shilingi elfu moja (1,000) baada ya kukiri kosa lake. Hata hivyo mshtakiwa alifanikiwa kulipa faini hiyo na hivyo kuachiwa huru baada ya mmoja wa waandishi wa habari kumpatia pesa hiyo.

PICHA:MBUNGE MWENYE VITUKO KENYA AKIOKOA WATU WEST GATE

CHEKI JINSI DIAMOND ALIVYOWAPAGAWISHA WAKAZI WA MWANZA NDANI YA GOLD CREST HOTEL

Mzee wa ngololo ngololo dance akiimba sambamba na mwanamuziki wa bendi ya Skylight bendi.

Hii style kama Diamond anaimba vile kumbe alikuwa anaangalia kwa nyuma pale.

Hapa Diamond akicheza na mashabiki wake kale kamchezo kapya ka ngololo dance, now nawaonesha how they do.

Mkurugenzi wa Skylight Entertainment bwana Sebastian Ndege akimpigia makofi mkali Diamond wakati akiimba kwa stage.

Baadhi ya mashabiki na mapapalazi wetu wakiwa wanashuhudia burudani kabambe kutoka kwa Diamond.

Baadhi ya wakina dada waliokuwa wakifurahia muziki mzuri wa asali ya warembo mzee wa ngololo dance alivyokuwa akitumbwiza ndani ya Hotel ya Gold Crest jijini Mwanza.

Betty Boniface ashinda taji la urembo la Miss Universe Tanzania 2013

 

Picha juu na chini ni Washiriki wa Taji la Miss Universe 2013 wakipita jukwaani na mavazi ya ufukweni yaliyotengenezwa na Vitenge vya Polytex vinavyozalishwa na kampuni ya MeTL Group.

Walimbwende waliofanikiwa kuingia kumi bora wakipozi kwenye picha ya pamoja.

Warembo waliofanikiwa kuingia Top Five ya Miss Universe 2013.

Majaji wakiwa kwenye wakati mgumu wa kutafuta mshindi.

Kikundi cha sanaaa cha Haba na Haba kikitoa burudani wakati wa shindano hilo.

Miss Universe Tanzania 2012 Winfrida Dominique akipita jukwaani kuaga mashabiki.

Muandaaji wa mashindano ya Miss Universe Maria Sarungi Tsehai akimvalisha Taji Miss Earth 2013  Clara Noor.

Top Five ya Miss Universe 2013.

Mshindi wa Taji la Miss Universe Tanzania 2013,  Betty Boniface (wa pili kulia), Miss earth Tanzania 2013, Clara Noor (wa kwanza kushoto) na Aziza Victoria ambaye ni mshindi wa pili (wa kwanza kulia) wakiwa kwenye picha pamoja.

Miss Universe Tanzania 2013,  Betty Boniface (wa pili kulia) akiwa katika picha ya pamoja na Mkurugenzi wa Utalii kutoka Wizara ya Maliasili na Utalii, Ibrahim Mussa (wa pili kushoto). Wengine katika picha ni Miss earth Tanzania 2013, Clara Noor (wa kwanza kushoto) na Aziza Victoria ambaye ni mshindi wa pili (wa kwanza kulia).

Mwakilishi kutoka SIA Couture akimkabidhi zawadi Mshindi wa Taji la Miss Universe 2013 Betty Boniface.

Meza kuu ya majaji.

Picha juu na chini ni baadhi wadau wa masuala ya urembo.

Na Mwandishi wetu

Betty Boniface (20) wa Dar es Salaam usiku wa kuamkia jana alifanikiwa kushinda taji la Miss Universe Tanzania katika mashindano yaliyofanyika kwenye ukumbi wa Makumbusho ya Taifa jijini.

Mashindano hayo yaliyoshirikisha jumla ya warembo 15 kutoka mikoa nane ya Tanzania Bara, yalikuwa na ushindani mkali na  Betty kufanikiwa kupata tiketi ya kuiwakilisha nchi katika mashindano ya Miss Universe ya kimataifa yaliyopangwa kufanyika mjini Moscow, Russia Novemba 9 mwaka huu.

Mbali ya nafasi ya kuiwakilisha nchi, Betty alipata zaidi ya Sh milioni 3 taslim na zawadi nyingine zenye thamani ya zaidi ya sh.  milioni 4.

Ushindani ulikuwa mkubwa katika mashindano hayo ambapo Clara Noor kutoka Mwanza alishinda taji la Miss Earth Tanzania na kupata nafasi ya kuiwakilisha nchi katika mashindano ya kimataifa nchini Philippines Novemba 3 mwaka huu.

Mrembo kutoka Dar es Salaam, Aziza Victoria alishinda nafasi ya pili katika mashindano hayo yaliyodhaminiwa na TANAPA, Fastjet, Mohamed Enterprises (MetL) na wadhamini wenza, Coca-Cola, Missie Popular Blog, Healthy Beauty Clinic, Beauty Point, Sia Couture, Seif Kabelele Blog, AZH Photography.com na Adams Digicom.

Betty alisema kuwa hakubahatisha kushinda  nafasi hiyo kwani alijiandaa sana na lengo lake kubwa ni kupata nafasi ya kuiwakilisha nchi katika mashindano ya kimataifa.

“Nilijiamini kuingia katika mashindano haya, namshukuru Mungu kutimiza ndoto yangu, hivyo nitafanya zaidi ya Flaviana Matata mwaka 2007 nchini Mexico kwa kuingia zaidi ya hatua ya sita bora,” alisema Betty.

Muandaaji wa mashindano hayo, Maria Sarungi Tsehai alisema kuwa ushindani ulikuwa mkubwa na wanashukuru kufanikisha mashindano hayo huku hakiwashukuru wadhamini kwa msaada wao.