Tottenham yatoa picha ya Bale kwenye akaunti yao ya Twitter.

Tetesi za kiungo mshambuliaji wa Tottenham Hotspurs 
kuwa mbioni kujiunga na klabu 

ya Real Madrid zimezidi kushika kasi baada ya klabu hiyo kushusha picha ya kiungo huyo

 kwenye ukurasa wao wa mtandao wa kijamii wa twitter.

Ukurasa wa Twitter wa klabu ya Tottenham ulikuwa na picha kubwa za wachezaji Gareth

 Bale na Clinton Dempsey lakini picha hizo zilitolewa baada ya Dempsey kujiunga na

 timu ya Seattle Sounders ya Marekani.

Taswira ya ukurasa wa twitter wa klabu ya Tottenham Hotspurs kama inavyoonekana kabla na baada ya kuondolewa kwa picha ya Bale.

Kuondolewa kwa picha ya Bale ndio kumezua gumzo kubwa kwani inaonyesha 

kuwa tayari Spurs wameanza kuchukua hatua za kusonga mbele na kuanza maisha 

bila ya nyota huyo ambaye kwa kiasi kikubwa ametokea kuwa alama ya klabu hiyo.

Wiki iliyopita nyota huyo wa kimataifa wa Wales aliwaaga wachezaji wenzie kwenye

 kikosi cha Spurs   Saa chache kabla ya wachezaji hao kuondoka kwenda nchini 

Ufaransa ambako walikuwa wanacheza mechi ya Kirafiki dhidi ya Monaco .

Real Madrid na Tottenham zimekuwa kwenye mazungumzo juu ya usajili wa

 Bale na mazungumzo hayo yamechukua muda mrefu kutokana na msimamo wa

 klabu hiyo ya London wa kutaka fedha yote huku Madrid wakitaka kulipa kwa

 awamu .

Pamoja na mazungumzo hayo kuchukua muda mrefu Madrid wanatarajia 

kumthibitisha Bale kama mchezaji wao siku yoyote kabla ya kumalizika kwa kipindi 

cha usajili wakati wa majira ya joto.